प्रचण्ड–माधव समूहके जनसभा, प्रतिक्रान्ति विरुद्ध आन्दोलन

-कैलारी अनलाइन

बुधवार, २८ माघ 6:51 PM

काठमाण्डौं, २८ माघ । नेकपा प्रचण्ड–माधव समूहके अध्यक्ष पुष्पकमल दाहाल प्रचण्ड विरोध प्रदर्शन कैसिन रहठ् हेरक लाग प्रधानमन्त्री केपी शर्मा ओलीहे आग्रह करले बाटै ।
प्रतिनिधिसभा विघटनके विरोधमे प्रचण्ड–माधव समूहसे माघ ९ मे करल सभा करल दिन ओली सभा कहलक कैसिक रहठ् माघ २३ गते डेखैना बटैले रहिट । उहे अनुसार ओली समूहसे काठमाडौंमे शक्ति प्रदर्शन करल रहिट ।
बुधके आपन समूहसे करल सभामे प्रचण्ड फेनसे ओलीहे प्रतिउत्तर डेले बाटै । आपनहुक्रनके करल प्रदर्शनमे ५ लाख मनै सहभागी हुइल सूचना आइल कहटी उहाँ कहलै, ‘केपीजी डेख्ली सभा कैसिन रहठ् ? डेख्ली विरोध कैसिन रहठ् ?’
उहे सभाहे सम्बोधन कैटी नेकपा प्रचण्ड–माधव समूहके अध्यक्ष माधवकुमार नेपाल, प्रधानमन्त्री केपी शर्मा ओली निर्वाचन आयोगहे धम्क्याइल आरोप लगैले बाटै ।
ओली आयोगमे पुगके मै नै पहिल अध्यक्ष हुँ, आधिकारिकताके विवादमे पैठे नै पैबो कहिके संवैधानिक निकायहे धम्क्याइल कहटी उहाँ आपत्ति जनाइल हुइट । अध्यक्ष नेपाल अपनहे आपनहे पहिल अध्यक्ष घोषणा करल ओलीहे पत्याइना जरुरी नै रहल बटैलै ।
पार्टीके विधान, दस्ताबेज, सकुर्लर ओ निर्णय हेर्न आग्रह करटी उहाँ आघे कहलै, ‘ओमने फेन शंका बा कलेसे ४४१ हे बोलाके एकएक व्यक्तिके कपार गन्लेसे हुइठ् ।’
राजनीतिक दलसम्बन्धी ऐनके दफा ४४ मे अक्के पार्टीमे नाउँ, चिन्हबारे विवाद रहलमे बहुमतके निर्णय स्वीकार्य हुइठ् प्रष्ट लिखल कहटी प्रचण्ड–माधव समूहके अध्यक्ष नेपाल उहीहे हेक्का राख्न आयोगहे आग्रह करल रहिट ।
वरिष्ठ नेता झलनाथ खनाल संयुक्त आन्दोलनमे अइना दलहे आह्वान करल रहिट । नेता खनाल इ नेकपाके दुई गुटके झगडा किल नै रहल बटैटी पुस ५ मे प्रतिक्रान्ति हुइल ओकर विरुद्ध आन्दोलन हुइल बटैलै । उहाँ कांग्रेस, जनता समानवादी पार्टीलगायतके दलहे संयुक्त आन्दोलनके लाग फेन आग्रह करलै ।
‘आइ, संयुक्त आन्दोलन करी । इ नेकपाके किल आन्दोलन नैहो, जनताके संयुक्त आन्दोलन हो । यम्ने सामेल हुइ ।’
नेता जनार्दन शर्मा शान्तिपूर्ण आवाज नै सुन्लसे जनता कौनो फेन बेला विद्रोहमे उत्रे सेक्ना बटाइल रहिट । शर्मा कहलै, ‘यदि जनताके आवाज नैसुनजाइ कलेसे आज यहाँ हुइटी रहल शान्तिपूर्ण आन्दोलन कौन दिन विद्राहमे उत्रही मै कहे सेक्ना अवस्था नैहो ।’
संघीयता लागू करे नैडेना ओ संविधानहे च्यातत्युत पारे खोजल कहटी शर्मा जनताको विद्रोहसे संघीयता ओ गणतन्त्र विरोधीहे समाप्त पर्ना बटैलै । ओलीमे असीमित अधिकार रहल कारण आजके अवस्था आइल कहटी उहाँ कहलै, ‘केपी ओली तयार हुइना ग्राउण्ड कौन हो ? ओकर समीक्षा हुइ परल ।’ समीक्षा नै कैनाहो कलेसे फेनसे महेन्द्र ओ केपी ओली जन्मे सेक्ना शर्मा बटैलै ।
नेता रघुजी पन्त जनता केकरसँग बाटै कहिके हेर्न प्रधानमन्त्री ओलीहे चुनौती डेहल रहिट ।
प्रधानमन्त्री ओली कुछ दिन आघे पशुपतिनाथ गैल उल्लेख करटी उहाँ नै बोलुइया पशुपतिनाथ नै कि बोलुइया पशुपतिनाथहे हेर्न आग्रह करल रहिट ।

थप सम्बन्धित समाचार
Follow
Us