डाँका चोरी करुइया ३ जनहनहे सार्वजनिक

-कैलारी अनलाइन

सोमवार, २४ कार्तिक 6:34 PM

कञ्चनपुर, २४ कार्तिक । डाँका चोरी करुइया ३ जनहनहे कञ्चनपुर प्रहरी सार्वजनिक करले बा । उहाँहुक्रे कार्तिक १९ गत कञ्चनपुरके बेदकोट नगरपालिका–५ पोलखरीमे डाँका चोरी करल रहिट ।
पक्राउ परुइयामे बेदकोट नगरपालिका–१ के २८ वर्षीय केदार बिष्ट, कृष्णपुर नगरपालिका–५ के २४ वर्षीय दिपक भट्ट ओ उहे ठाउँके २२ वर्षीय पारसमणी जोशी रहल बाटै । उहाँहुक्रनके साथसे २ राउण्ड गोली लोड करल पेस्तोल, १ थान म्याग्जिन, मोबाइल २ थान ओ २ मोटसाइकल बरामद करल प्रहरी निरीक्षक किस्नानन्द भट्ट जानकारी डेलै । घटना सम्बन्धी अनुसन्धान हुइटी रहल उहाँ बटैलै ।
पक्राउ परलहुक्रनहे गत कार्तिक १९ गते वेदकोट नगरपालिका वडा नम्बर ५ मे जुवातास खेल्टी रहल अवस्थामे नगद ३ लाख ९५ हजार लुटके फरार हुइल रहिट ।
लुटपाटमे संलग्न कुछ व्यक्तिहुक्रे आभिन फरार रहल ओरसे खोजी हुइटी रहल प्रहरी जनैले बा ।

थप सम्बन्धित समाचार
Follow
Us