जोनापुरमे अन्तर विद्यालय फुटबल प्रतियोगिता हुइना

-कैलारी अनलाइन

बुधवार, २९ माघ 5:23 PM

धनगढी, २९ माघ । जोनापुरमे अन्तर विद्यालय प्रदेश स्तरीय फुटबल प्रतियोगिता हुइना हुइल बा ।
गोदावरी नगरपालिका वडा नं. ८ के मदर ल्याण्ड यूथ क्लबके आयोजनामे यिहे फागुन ३ गतेसे १० गतेसम क्लबके खेल मैदानमे उ प्रतिया्गिता हुइना हुइल हो । आयोजक क्लब बुधके रोज पत्रकार सम्मेलन कैटी प्रतियोगिताबारे जानकारी कराइल हो ।
‘जोनापुर गाउँके पहिचान, फुटबल विकासके अभियान’ कना मूल नारा सहित हुइना प्रतियोगितामे प्रथम हुउइया टीम नगद १ लाख, दुसराहे ५० हजार सहित ट्रफी, प्रमाणपत्रसे पुरस्कृत कैना क्लबके अध्यक्ष श्रवण चौधरी जानकारी डेलै । ओस्टके उत्कृष्ट खेलाडी, गोल रक्षक, गोल कर्ता, उदयमान खेलाडीहे जनही १÷१ हजार, हरेक प्रतियोगिताके म्यान अफ द म्याचहे पाँच सय ओ सेमीफाइनल पुगुइया २ टीमहे १०÷१० हजार पुरस्कारके व्यवस्था समेत रहल अध्यक्ष चौधरी जानकारी डेलै ।
प्रतियोगिताके लाग इन्ट्री फी बुझैना अन्तिम मिति फागुन १ गतेसम रहल जनाइल बा । ओस्टके टाइसिट प्रकाशन मिति फागुन १ गते ३ बजे ओ इन्ट्री फी पाँच हजार रहल आयोजक जनैले बा ।

थप सम्बन्धित समाचार
Follow
Us