जनवातावरण सहकारीके ७औं वार्षिक साधारण सभा

-कैलारी अनलाइन

आइतवार, २६ पौष 4:04 PM

हसुलिया, २६ पुस । कैलारी गापा वडा नं ६ खरुवाखेरामे रहल जनवातावरण बचत तथा ऋण सहकारी संस्थाके ७औं बार्षिक साधारण सभा सम्पन्न हुइल बा ।
सहकारीके अध्यक्ष गिता देबी चौधरीके अध्यक्षतामे हुइल कार्यक्रमके बर्का पहुना कैलारी गापके प्रवक्ता तथा वडा नं ७ के अध्यक्ष कमल चौधरी रहल रहिट । कार्यक्रमके पहुनामे वडा नं ६ के अध्यक्ष प्रेम चौधरी, लिबर्ड बीउ उद्यम अधिकृत बिनोद आचार्य, केशव अवस्थी, ललिता आले, स्मार्ट सोसाइटीके उपाध्यक्ष रामशरण चौधरी, पीडित प्रगतिसिल साकोसके जगन चौधरी, सितलझाडी सामुदायिक वनके लौटन चौधरी, गाउँ भल्मन्सा लगायत कार्यसमितिके पदाधिकारी, सेयर सदस्यहुक्रनके उपस्थिति रहल रहे ।
सहकारीके सचिव भागिराम चौधरी कार्यक्रमके सञ्चालन करल रहिट । कलेसे सहकारीके उपाध्यक्ष सुकराम चौधरी स्वागत मनतब्य राखल रहिट । कार्यक्रममे संस्थाके वार्षिक प्रगति प्रतिवेदन, आर्थिक लेखा प्रतिवेदन ओ भावी योजना संस्थाके कोषाध्यक्ष वविता चौधरी प्रस्तुत करल रहिट ।

थप सम्बन्धित समाचार
Follow
Us